عـودة للخلف   :: ملتقى فتيات الإسلام :: > ♥ سَمَآءَاْتٌ بَيْضَآءْ ♥ > صفحاتٌ مُلونة

صفحاتٌ مُلونة للمواضيع العامة التي لا تندرج تحت أي قسم

 
 
أدوات الموضوع طريقة العرض
قديم(ـة) منذ /04-17-2012, 01:44 PM   #1

يَاسْمٍيْنُ »≈
حقلُ وردٍ مُبهِرٍ
 
صورة يَاسْمٍيْنُ »≈ الرمزية

يَاسْمٍيْنُ »≈ غير متصل


 عضويتي : 253
 تاريخ إنتِسَآبيْ : Oct 2008
 مكاني : المَدينةَ المَنوٍرةَ ~
 مشاركاتي : 903
 التقييم : يَاسْمٍيْنُ »≈ is just really niceيَاسْمٍيْنُ »≈ is just really niceيَاسْمٍيْنُ »≈ is just really niceيَاسْمٍيْنُ »≈ is just really niceيَاسْمٍيْنُ »≈ is just really nice
آخر تواجد: 09-19-2012 09:06 PM
ورده التعميم Generality

السَلامُ عليكم ورحمة الله وبركاته,

مقدمة اللي يبغى يقرأ يظلل{انا مو داعية ولا شي و لا انسانة كاملة انا اغلط على طول , انسى , كل شي يخطر ببالكم
ايوا اقول كلام و ارجع عنه , ايوا اكون فكرة عن شي و اكون معتقداتي عن شي و ارجع عنه و اغيرها ..
هدي مو غلطتي , هدا لأني انسانة يعني مو عشان كنت احط مواضيع فتاوي او شي ديني يصير لازم اصير شي كامل و مايغلط او اصير ملاك ..
بعضكم رح يقول هدي بتقول كدا عشان تحطها حجة لما تسوي شي غلط و انا اقول له ايوا هدي حجة لأنها شي صحيح
الكلام اللي رح اتكلم عنه دحين هوا كلام جاي ببالي و انا لازم اطلعه لأني لو ماطلعته بالكتآبة , رح انقهر , وكمان لأني قلت اني ابغى اكتبه
فـ رح اكتبه يعني رح اكتبه ان شاء الله}


بسم الله و الحمد لله و اللهم صلي و سلم على محمد
عليه الصلاة و السلام , يارب تغفر لي , و ترزقني سعادة داخلية ..

التعميم او Generality~

أمثلة جربتهآ


لما تشوف انسان من جنسية معينة و فرضا تصرف تصرف غير لائق
رح تعمم على كل البلد بأنها مثله ..

لما بنت فرضا لعبت black ops او اي شي اون لاين .. و فتحت المايك
و اتكلمت بطريقة دلع و ميوعة .. و بذلك حكموا وعمموا كل الأولاد بأن اي بنت تحط مايك
تصير مو نظيفة و ان المفروض البنات مايلعبوا اونلاين مع الجنس الآخر
وانه شي عيب ..

و لما اشوف واحد متشدد , و اخلاقه مو كويسة ..
و اعمم على اي شخص ربى ذقنه او أي شيخ بأنه متشدد و انه مو كويس ,

و لما اشتري شي من شركة معينة فرضا لابتوب , اعمم على كل الشركة
بأن كل منتجاتها مو كويسة سواء في اي مجال ..

و لما اتعامل مع شخص و يغلط مرة
اعمم على كل اللي بيسويه انه خطأ و اتذكر اخطاءه بس ..

ردود على الأمثلة

1 - أول شي هل اصابعك زي بعض ؟
هل اخواتك او اخوانك في البيت زي بعض ؟
هدا و انتوا في البيت اشخاص معدودين ومنتوا زي بعض
اجل كيف ببلد فيها مليون ولا مليونين .. بتعمم و تقول لي انه خلاص كل الناس زي الشخص
اللي عطاك فكرة مو حلوة عن البلد هدي او الجنسية دي ؟

2 - هدا الشي التاني اللي مرآ قاهرني , انا ايش ذنبي انه في بنت سوت كدا
و اتدلعت و طلعت صوتها بطريقة تجذب و من هدي الأشياء
مو ذنبي انك تعمم بأن كل البنات زيها و اني لو لعبت اونلاين و فتحت المايك اصير مو نظيفة .. ولاتقول صوت المرأة عورة
اعرف في ايش عورة , لو كدا اجل مانرد على الباب لما احد يرن و مانتكلم لما نروح السوق

3 - الشيوخ اشخاص انسان مو زي بعض
في شيخ اتشدد و الله اعلم ايش اسبابه و مع التشدد ساءت اخلاقه لأنه فكر في جانب واحد
ونسي موضوع الأخلاق , فـ لاتعمم كل الشيوخ زي بعض
لأن لو اتعمقت اكثر رح تلقى اختلاف كبير ..

4 - مو محتآج اتكلم لأن اكثركم فاهمين
في بعض الشركات تفلح في مجال و تفشل في آخر ..

5 - آخ هدي آخر وحدة اللي معيشتنا في ازمة , ترآ خلاص عقدتوا الناس و عقدتونا بهدا الشي
يعني دحين لما اغلط تتذكر ولما اسوي شي حلو تعتبره من المسلَّمات ؟ و انه عادي يعني سوت شي كويس




انا مارح اطلع نفسي من دائرة الأشخاص المعممين , انا عندي تعميم على الرجآل
بس بحاول شيئا فـ شيئا اتخلص منه ., لأنك لما تبرمج عقلك على شي صعب تغيره على شي تاني
إلا اذا تم اقناعك بأشياء مدعومة من شخص كُفء ..



بس ايش اسباب التعميم يا تُرى ؟

عقل الإنسان ,
تفكيره , ولا تكرار اختلاطه بنفس المواقف ؟

طيب ايش الحل ؟

well this is my problrm when i think about something
this comes from me not from the other side
so i`m the one who will suffer with thins kind of thinking ..

هدي مشكلتي اني كونت فكرة عن شي ,
لأن تفكيري هدا صادر مني انت مو من الشخص التاي او الجانب الآخر ..
و هدي الشي رح يعذبني انا لأني انا صاحبة التفكير ,


هذآآ ماكان برأسي من كلام يدور و يجول
اما الآن فقد أخرجت مابداخلي و ارتحت ..


يمكن تلقوا الكلام مكتوب بـ اسم
jasmine , jess , yaso , او ياسمين ..و مشاعر خفية كمآن اسم تاني = hidden feelings
هدي اسماء ليآ برضو < خلاص مو قصة



في أمان الله و الله يحفظ عقولنآ من التفكير الخطأ ..



















 - - - I S L A M G I R L S . C O M - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - -


  الرد باقتباس
 

الإشارات المرجعية


يتصفح الموضوع حالياً: 1 (0 من الأعضاء و 1 من الزوار)
 
أدوات الموضوع
طريقة العرض

قوانين المشاركة
لا يمكنك إضافة مواضيع
لا يمكنك إضافة ردود
لا يمكنك إضافة مرفقات
لا يمكنك تعديل مشاركاتك

رمز [IMG] متاح
رموز HTML مغلق

انتقل إلى


الساعة الآن +3: 04:06 PM.


Powered by vBulletin® Version 3.8.5
Copyright ©2000 - 2024, Jelsoft Enterprises Ltd.
:: فتيات الإسلام ::