ااااااه من الاحساس بالفقد..

[احاسيس]

انا فعلا اشعر بفراغ كبير ونقص في حياتي لاادري لماذا مع اني متزوجه وعندي اطفال

بس انا في ديرة واهلي كلهم خواتي المتزوجات واخواني مع بعض في ديرة
مع ذلك لاافضل العيش معهم ولاالقرب منهم بسبب افكارهم واسلوب عيشهم لكن اشعر بحزن في داخلي لان اكثر الناس لهم اقارب في البلد اللي ساكنين فيه الا انا
صديقاتي تفرقنا ولاسالوا عني ابد الا اذا انا سالت واحيانا مايردون وحدة منهم خسرتها بسبب تصرف سيئ تصرفته معها ولما اعترفت لها قالت خلاص اللي بيننا انتهى اكتشفت بعدها انها كانت تتهرب مني وصرفتني في اكثر الامور واشياء غير كذا ماعرفتها الا لما انبني ضميري وعلمتها باللي سويته
جارات ماعندي ساكنة عند بدوان كلهم جماعة مشترين العماير اللي حول بعض وجمعاتهم وخرجاتهم مع بعض ناديتهم اكثر من مرة بس ماحد جاني ولارد علي
متخرجه لي 4 سنوات وما لقيت وظيفة مع اني قدمت في اكثر من مكان ومنطقة وما زلت ابحث
بعد كل هذا الا يحق لي ان يتملكني الاحساس بالفقد واميل للوحدة ولااجد راحتي الا فيها
اعذروني لاني طولت عليكم بالكلام بس ودي اطلع كل اللي داخلي سواء زين او شين حتى ارتاح اذا اشتكيت لاخواتي اسمع كلام لايسر احيانا فاندم على البوح
استحملوني لاني سوف اطيل عليكم باحاسيس اخرى