![]() |
التعميم Generality
السَلامُ عليكم ورحمة الله وبركاته, مقدمة اللي يبغى يقرأ يظلل{انا مو داعية ولا شي و لا انسانة كاملة انا اغلط على طول , انسى , كل شي يخطر ببالكم ايوا اقول كلام و ارجع عنه , ايوا اكون فكرة عن شي و اكون معتقداتي عن شي و ارجع عنه و اغيرها .. هدي مو غلطتي , هدا لأني انسانة يعني مو عشان كنت احط مواضيع فتاوي او شي ديني يصير لازم اصير شي كامل و مايغلط او اصير ملاك .. بعضكم رح يقول هدي بتقول كدا عشان تحطها حجة لما تسوي شي غلط و انا اقول له ايوا هدي حجة لأنها شي صحيح الكلام اللي رح اتكلم عنه دحين هوا كلام جاي ببالي و انا لازم اطلعه لأني لو ماطلعته بالكتآبة , رح انقهر , وكمان لأني قلت اني ابغى اكتبه فـ رح اكتبه يعني رح اكتبه ان شاء الله} بسم الله و الحمد لله و اللهم صلي و سلم على محمد عليه الصلاة و السلام , يارب تغفر لي , و ترزقني سعادة داخلية .. التعميم او Generality~ أمثلة جربتهآ لما تشوف انسان من جنسية معينة و فرضا تصرف تصرف غير لائق رح تعمم على كل البلد بأنها مثله .. لما بنت فرضا لعبت black ops او اي شي اون لاين .. و فتحت المايك و اتكلمت بطريقة دلع و ميوعة .. و بذلك حكموا وعمموا كل الأولاد بأن اي بنت تحط مايك تصير مو نظيفة و ان المفروض البنات مايلعبوا اونلاين مع الجنس الآخر وانه شي عيب .. و لما اشوف واحد متشدد , و اخلاقه مو كويسة .. و اعمم على اي شخص ربى ذقنه او أي شيخ بأنه متشدد و انه مو كويس , و لما اشتري شي من شركة معينة فرضا لابتوب , اعمم على كل الشركة بأن كل منتجاتها مو كويسة سواء في اي مجال .. و لما اتعامل مع شخص و يغلط مرة اعمم على كل اللي بيسويه انه خطأ و اتذكر اخطاءه بس .. ردود على الأمثلة 1 - أول شي هل اصابعك زي بعض ؟ هل اخواتك او اخوانك في البيت زي بعض ؟ هدا و انتوا في البيت اشخاص معدودين ومنتوا زي بعض اجل كيف ببلد فيها مليون ولا مليونين .. بتعمم و تقول لي انه خلاص كل الناس زي الشخص اللي عطاك فكرة مو حلوة عن البلد هدي او الجنسية دي ؟ 2 - هدا الشي التاني اللي مرآ قاهرني , انا ايش ذنبي انه في بنت سوت كدا و اتدلعت و طلعت صوتها بطريقة تجذب و من هدي الأشياء مو ذنبي انك تعمم بأن كل البنات زيها و اني لو لعبت اونلاين و فتحت المايك اصير مو نظيفة .. ولاتقول صوت المرأة عورة اعرف في ايش عورة , لو كدا اجل مانرد على الباب لما احد يرن و مانتكلم لما نروح السوق 3 - الشيوخ اشخاص انسان مو زي بعض في شيخ اتشدد و الله اعلم ايش اسبابه و مع التشدد ساءت اخلاقه لأنه فكر في جانب واحد ونسي موضوع الأخلاق , فـ لاتعمم كل الشيوخ زي بعض لأن لو اتعمقت اكثر رح تلقى اختلاف كبير .. 4 - مو محتآج اتكلم لأن اكثركم فاهمين في بعض الشركات تفلح في مجال و تفشل في آخر .. 5 - آخ هدي آخر وحدة اللي معيشتنا في ازمة , ترآ خلاص عقدتوا الناس و عقدتونا بهدا الشي يعني دحين لما اغلط تتذكر ولما اسوي شي حلو تعتبره من المسلَّمات ؟ و انه عادي يعني سوت شي كويس ♥ بس بحاول شيئا فـ شيئا اتخلص منه ., لأنك لما تبرمج عقلك على شي صعب تغيره على شي تاني إلا اذا تم اقناعك بأشياء مدعومة من شخص كُفء .. بس ايش اسباب التعميم يا تُرى ؟ عقل الإنسان , تفكيره , ولا تكرار اختلاطه بنفس المواقف ؟ طيب ايش الحل ؟ well this is my problrm when i think about something this comes from me not from the other side so i`m the one who will suffer with thins kind of thinking .. هدي مشكلتي اني كونت فكرة عن شي , لأن تفكيري هدا صادر مني انت مو من الشخص التاي او الجانب الآخر .. و هدي الشي رح يعذبني انا لأني انا صاحبة التفكير , هذآآ ماكان برأسي من كلام يدور و يجول اما الآن فقد أخرجت مابداخلي و ارتحت .. http://www.gm-master.com/vb/images/smilies/reading.gif يمكن تلقوا الكلام مكتوب بـ اسم jasmine , jess , yaso , او ياسمين ..و مشاعر خفية كمآن اسم تاني = hidden feelings هدي اسماء ليآ برضو < خلاص مو قصة http://www.gm-master.com/vb/images/smilies/Neutral.gif في أمان الله و الله يحفظ عقولنآ من التفكير الخطأ .. |
رائع جداً جداً هذا الرقي العقلي وهذا الأسلوب السلس :قلب:
موضوع واقعي يتكلم ظاهرة غزت تكوين خلفياتنا الذهنية.. سلم هذا القلم الراقي... ختم + شكر + تقييم :ورده: |
خولةٌ , you made me smile .. :smile78:
شكرا لطلتكِ ~ |
موضوع جميل وهادف وصحيح هالمشكله متفشيه ف المجتمعآت يمكن أغلبهآ.. لكن عندي ملآحظه ع جملة :ان المفروض البنات مايلعبوا اونلاين مع الجنس الآخر وانه شي عيب .. لا يختلف عليها إثنآن عزيزتي وهذا مو مفروض هذا واجب :) |
اهلاآ تآجَ ,
مافهمتَ ايش المفروض و ايش الواجب ؟ ^^" شكرآ لطلتكِ 3: |
اقتباس:
شكريات ياسو :ورده: |
اقتباس:
يدل على اتّسعاع مداركك الذهنيّة ونضجها إن صحّ التعبير , زمننَا الحالي في حاجة لفتيات بعقول واعية , إن أصابت حمدت الله وإن أخطأت اعتذرت واستغفَرت وحاولت تفادي الخطأ مرة أخرى.. وإن تكرر عاودَت الإعتذار برحَابة صدر ! :) , نحتاج التجرد من تزكيَة نفوسنا كي ننهض بعقولنا قبل بلادنا () __ ماذكرتِ في مسألة التعميم لامسَ الكثير من قناعاتي .. باستثناء الحديث بالمايك في الألعاب مع الجنس الآخر - إلا للضرورة - الملحّة .. لأن مممم طيب بحاول أقول لك قناعتي في هذا الأمر : المكان اللي يجمع الذكور والإناث يكون سبب في صنع الإحترام أو نفيَه , ويختلف من مكان لآخر مع عدم اختلاف الأشخاص .. فالمكان هو مَن يحدد الحواجز في الأدب والرسمية وكذا يعني الواحد لما يعجب بأسلوب بنت في مكان عمل مستحيل إنه ينهال عليها غزل مباشرة ! لأن مكان عملهم يفرض عليهم صنع حواجز بينهم , والخوف من العواقب المترتبة على بعض التصرفات يجعل الشخص يكبح جماحه رغمًا عنه , ولا أتحدث عن الرجل فقط .. ! بل حتى المرأة من جهة أخرى . مثلا .. لو أكلّم رجل في مكان عمل أكيد راح يكلمني بشكل رسمي وشغل في شغل والسلام عليكم خصوصا لما أكلمه فقط للضرورة ونفس الشي لو فيه محاضرة دينية أو حتى في ( الحرم المكي ) كأبسط مثال ,, تحسين إن المكان يفرض عليك تنتقين كلمات مشبعة بالرسمية لما تحادثين رجل , أما لو تتحدثين بالمايك مع أشخاص داخلين يلعبون أون لاين ف الشخص هنا يكون متجرّد من بعض القيود لأن ( المكان ) اللي هو داخله أعطاه شي من الحرية من ناحية أختيار مليون لقب له , لأن الرسمية أحيانا مرتبطَة بالإسم .. مو؟ - إلا مع بعض الأشخاص اللي ماتفرق معهم - ف لو حط لقب ومافي أحد يعرف ( من هذا الشخص ) فطبعا الشخص راح ياخذ راحته ويحس إن مافيه شي يجبره إنه يكون رسمي مع بنت في حال أعجب بشي من أسلوبها في الحديث .. ف بكل أريحية بأسلوب معين يستطيع أنه يتغزل فيها ويمتدحها سواء بأسلوب مباشر أو بآخر .. ومو كل النساء عاقلات .! وأنا أحيي البنت اللي تتكلم من قصد شريف في مثل هالأماكن .. لأن الأماكن هذي أصلها لهو وسعة صدر وحريّة .. لكن هي ماأختارت المكان المناسب ! وكونها أنثى ف تكون محط اهتمام من الرّجال , وهذا شي مسلّم به في الفطرة البشريّة , ف طهارة فكرها وقصدها الشريف المفروض يُطرح في مكان أرقى ويتناسب مع ماتطرحه فهناك أماكن أنسب ججججججججججججججججججججججدا لمثلها ,, ولكل مقام مقال :] __ وبكل اختصَار : موضوعك تعدّى حدود الروعة في مقاييسي :] تقيييييييييييييييييم + حبي لك واحترامي وتقديري لأمثالك اسم الله عليك ـ وَاصلي والله يبارك فيك :قلب: |
موضوع رائع ومتميز
سلمت اناملك غاليتي ودي لروحك |
الساعة الآن +3: 02:13 AM. |
Powered by vBulletin® Version 3.8.5
Copyright ©2000 - 2024, Jelsoft Enterprises Ltd.
:: فتيات الإسلام ::