جـامعية تبغي نصايحكن !

[رموز الحياة]

السلام عليكم و رحمة الله وبركاته ..

اشحالكن خوآتي ؟. . . ...

في الحقيقه و الواقع مب عارفه كيف ابتدي معاكن ! ...

ادري ها اول موضوع اطرحه .. بس صدقوني انا دائما اتابعكن و اتابع مواضيعكن القيمه و الهادفه ... و الصراحه احس بروح الأخوه تسود من بينكن .. " عسى ربي يخليكن لبعض =) .. < وانا اختكن بعد هههه


المهم مقدمه بسيطة عسب يروح عني التوتر و افضفض لكن ..


حاليا انا ثاني سنه أدرس ف الجامعه .. وهالسنه احسها وايد صعبه عليه ! لدرجه اني كرهت الدراسه ! / حتى اقول لو اعرس احسن لي ! < بس وينه عريس الغفله للحين ماشرف ^^" ..

انا ادرس تاريخ بالانجلش ! < انا بالعربي زين مشيت حالي فيه ! كيف بالانجلش بعد ؟

و ادرس بعد انجلش ( نكتب مقالات) و أدفايزنج ( المس تعطينا معلومات عن الجامعه وشو لازم انسوي ) و بعد ادرس عربي ( سهل بس ممل ) و الرياضيات الحمدلله الاستاذ شرحه اوك

الحين اكيد اتقولون وين المشكله ! ..

المشكله اني احس المواد لو سهله صعبه ! .. واني ما اعرف انظم وقتي !

بنات نصحوني شسوي ! ... مابي درجاتي تنزل ! ...


::'):اتريا ردودكن عزيزاتي ...


اختكن : رموز الحياة

[إشراقة الغد]

غاليــتي رموز الحيــاة ..
لم تكــوني يومـا غريبة عنــا فنحن هنا يد واحدة وإخــوة في الله ^^

بالنسبة لمشكلتـكـ .. لاحظت العديد من الزميلات لهن نفس القضية ،،فبحثت ووجدت موضوعا أعجبني ..فاقتبست لك منه بعضا من الجمل والعبارات علها تيبث فينا جميعا روح الأمل والتفاؤل والهمة .. والجد والإجتهاد بإذن الله

فلنبدأ ..

1

حددي طموحك و هدفكِ ..
واكتبي الهدف على ورقة وألصقيها على جدار غرفتك أو على مكتبك ..
فـ عندما تبدأين بالمذاكره يعطيكِ دافعاً كبيرا ً..
اكتبي ( سأحصل على نسبة 96% ) أو ( سأحصل على نسبة 98% )..
حتى وإن كانت درجاتك مو مرتفعه ..
لأنكِ إن كتبتِ نسبة قليلة .. ماراح تتحمسين وتبذلين جهد !

107.gif

إذا غامَرتَ في شرفٍ مرومِ .. فلا تقْنعْ بِما دون النجوم

107.gif



2

اكتبي ورددي دائما كلمات و شعارات تشجيعية
تساعدك على المذاكرة وبتشوفين آثارها ..

هـذي بعض العبارات اللي ممكن تساعدكم

* هِمتي أعلى مِن قمتي ..

* أنا صاحبة همه ولن أرضى بغير القمة ..

* جميل أن يكون لك هدف.. والأجمل أن تسعى لتحقيقه ..

* لن أعيش على هامش الحياة ..

* بـ طموحي سأحقق هدفي ..

107.gif

كل شي في حياتك .. أضيفي له جانب المتعة سيصبح أجمل .. وأحلى ..
وأيضاً ( أغلى )

107.gif

3


اذا أحسستِ بصعوبة مادة لاتتذمري و تشتكي ..
صعبه .. مستحيل أفهم .. وراح يبدأ الإختبار وأنا ماخلصت وماوصلت للأخير ..
هـذي الكلمات احذفيها من قاموسك ..


وإذا كان عندك مادة صعبة ..
اخذي ورقه و اكتبي فيها ..
( اسم المادة) ماده سهله ..
( اسم المادة) حلو وومتع ..
أنا أحفظ بسرعه ..
وكرريها اكثر من مره ..
وكل ماتنتهي من جزء أكتبي

" ياسلااام خلصت هالجزئيه وحفظتها مثل أسمي انا واثقه إني ماراح أنساها "
واكتبيها وانتي مقتنعه لأن الكلام بيخزن في عقلك الباطن ..
وشوفي النتيجة بإذن الله ^^

107.gif

كل صعب في غمرة النجاح يتبدد

107.gif

4


حاولي وأنتي تذاكرين , تستخدميــن الهاي لايت ..

42_01200381360.gif

42_21200381360.gif

و الـ yellow paper

42_01200381730.gif

وإختاري ألوان خنفشاريه
اكتبي فيها النقاط المهمه , راح تساعدك كثير بـ الحفظ وتفتح نفسك للمذاكره أحسن شي استخدمي أكثر من لون مثلا التعاليل لون و المصطلحات لون و التعاريف لون و و و و .. إلخ


107.gif

سر النجاح في الحياة أن تواجه مصاعبها بثبات الطير في ثورة العاصفة

107.gif


5

أهم شي المراجعه بعد المذاكره فهي مهمه جداً

ولاتنســي بعد ماتخلصين المذاكره احمدي الله وإشكريه وخليك واثقه من مذاكرتك ..

107.gif

نجاحي هو ثمرة إجتهادي

107.gif

6

أهم نقطه التوكل على الله
ادعي ربي دايم وبكل حالاتك إنه يسهل لك الإختبارات ويوفقك وتكون مذاكرتك خالصه لوجهه ..
مو اني بـ أجيب نسبه عشان أقـهر و أتدلع و أكشخ فيها عند صديقاتي وقريباتي ..
أو عشان اكون متميزه ..
وعلى نياتكم ترزقون إذا أخلصتي النيه لله تعالى وتوكلتي عليه ربي بيساعدك وبيكون معك ..
بس مع الدعاء لازم تسعيــن ,حنــا الله يهدينا نقول ( يا رب أنجح .. يا رب أجيب درجات عالية يارب أجيب نسبه ترفع الراس ) ..
لكن نكون جالسين على التلفزيون أو نكلم بالتلفون او نشغل أنفسنا بأي شي يلهينا عن المذاكره ..
كيف ربي بيوفقني وانا ماسعيت ؟
لا , لازم ادعي وأبذل جهدي انا , أمسك نفسـي وأضغط عليها ..
يا بنت الحلال كلها فتره تعدي وياحلاتها بعد الضغط والتعب و الكرف .. نشوف الشهاده والنسبه اللي ترفع الراس ..
تحسين بطعم النجاح فعلا ..
نجاح بعد تعب هـذا هو النجاح الحقيقي نقرتين لعرض الصورة في صفحة مستقلة


ولاتنسي حافظي على الأذكار و الصلوات وطبعا هـذي الأشياء المفروض في الأمتحانات و غير الإمتحانات

107.gif

البدايات المحرقة , نهاياتها مشرقة

107.gif

وفي الأخير ..

قال تعالى :

( يَرْفَعِ اللَّهُ الَذِينَ آمَنُوا مِنكُمْ والَّذِينَ أُوتُوا العِلْمَ دَرَجَاتٍ )

وقال الرسول :
( من سلك طريقاً يلتمس فيه علماً سهّل الله له به طريقاً إلى الجنة )


تذكري بـ قدر جهدك و تعبك تأتيك النتيجه ..
تــذكري ان الأمة بـ إنتظارك ..
لاتكونـي إنسانة بلاهدف .. تعيش على هامش الحيــاة .. ثم تموت وكأنها لم تكن هنـــا ..!
المستقبل بإنتظار من هم بمثل إنجازاتك و عطائك..
أعلي همتك وإنظري للـ أعلى ولاتنظري لمن هم دونك ..
عنـدها سـ أقول لك هنيئاً لك حين تقطفي ثمــار حصادك ..
هنيئاً لك أيتها المتفوقه هـذا النجاح ..

أسأل الله لكن التوفيق
وأن يجعلنا علمنا و إياكم طريقاً للوصول إلى جناته جلّ في علاه ..
107.gif

[رموز الحياة]

الصراحه مب عارفه كيف اشكرج ! ...

كلمـــــــه " مشكوووره ! ما احسها توفي ! ...

يعطيج العافيه عزيزتي ع هالنصايح القيمه ؛

وربي يوفقج و يسعدج =)

[إشراقة الغد]

العفو حبيبتــي .. وها من وااجبــي ..

وان شاء الله تكونين تشجعتي وراح عنج الملل ^^ وتبدأين ان شاء الله بهمة وروح عاليــة نحو القمـــــة

أنتظر منج أعلى الدرجات بإذن الله ..

دعواتج

[رموز الحياة]

ان شاء الله يارب ...

ربي يوفقج و يسعدج و ييسر لج امورج =)