تعالن هنا.. منتجات العناية الخاصة بي (بالصور)

[Timo]

السلام عليكم ورحمة الله وبركاته

هنا أقدم لكم الله يسلمكم المنتجات أللي أستخدمها حالياً
وبقولكم وشو سلبياتها ووشو إيجابياتها بإختصار >> عارفتكم ماتحبون الهذره الكثيره
يلا نبدأ ..
أولاً :

1-زيت دابر أملا الذهبي :
تلميع تغذيه أهم شي التطويل رهيب في التطويل
2-شامبو صانسيلك للشعر الجاف :
ينظف عددددل من أول غسله رهيب
3-بلسم صانسيلك للشعر الجاف :
يجنن .. من ثاني يوم أستخدمته قالت لي بنت خالتي واو شعرك يلمع وأحسه حيوي
4-كريم صانسيلك بالليمون للقشره :
أحياناً أستخدمه مافيني قشره بس أحب ريحته
5- كريم صانسيلك بالبيض :
نادر أستخدمه بس لو كان شعري جاااف

ثانياً :

1- لوشن فازلين للبشرة الحساسة (غير معطر) :
أتعب وأنا أقول روووعه والله ماأحد بيتحسف لو شراه يهبل مرره روعه ويبقى ع الجلد فتره بصراحه أحسن لوشن أستخدمته ..
2- كريم جلسرين :
أحطه على يدي إذا كانت جافه مرره وتحككني لأنه ثقييل
3- كريم فازلين بفيتامين e
نفس العادي اللهم فيه فيتامين e
4- كريم فيتامين e خاص بالوجة من بودي شوب :
ررررائع جداً نصيحه أللي وجهها جاف تركض تشتريه >> أتخيلكم تركضون بالسوق
أحطه بعد ماأغسل خشتي بالصابونه

ثالثاً :

1- جل إستحمام لوكس بالأملاح البحريه :
ماعجبني مرره مرة أخوي مدحته بس عادي جداً وريحته ماعجبتني تحسين من جد بحررر
2- جل إستحمام ماركس و سبنسر بالتين :
ياويلي على هالجل روووعه بس خلص وحنا ماعندنا هالمحل بالمجمع القريب منا شاريته من الظهران .. ريحته تهبل ورغوته كثيــــره مرررره
3- صابونة الكبريت (للوجه) :
مابعد أستخدمتها بعد ماتخلص النيتروجينا أستخدمتها وأكيد بخبركم بالنتايج
4- صابونة نيتروجينا (للوجه) :
عاديه جداً تنظيف وبس بس لازم بعدها مرطب لأنها تنششف

رابعاً وأخيراً :

1- فرشاة أسنان :
مايحتاج أتكلم ..
2- معجون أسنان كرست لتبييض الأسنان الحساسة :
حلوو مرره أللي أسنانها حساسه تشتريه بس التبييض ماحسيت هالتقويم مو مخليني أنتبه لشي ماخذ نص اسناني
3- غسول للفم والأسنان :
حلوووو مررره مرررره واصفته لي الدكتوره يوم حطيت التقويم

وبس خلصنا :smilie2074:
وطبعاً جميع الحقوق محفوظه
وترا كل شي تصويري فرجاءً بلا بخل وردوا لو بدعوه