,,,,,,,,,,,,,, أســـــــــــــــــــــــرار ,,,,,,,,,,,,,,,,,,,,,

[صاحبة السمو]

الحين بقولكم على الاشياء الي اسويها
شوفو هذاالشي ماكنت منتبه له غير من كثرة الاسئله الي صرت اوجهها في الاماكن العامه يعني اكثر من مره واخرها قبل شهر اني كنت قاعده بانتظر الحريم في المستشفى وقاعده ماسكه المسبحه واستغفر واختي تقولي الحرمه الي قدامك قاعده تطالع عليك واكلتك بعيونه رحت وقلت لاختي بكفيها خليها تناظر انا واثقه بعمري ومافيني شي شوي ويااذن الظهر وقمت اصلي واختي راحت للعياده حقتها المهم وخلصت صلاه ورجعت قعدت على الكرسي الا وشوي حرمه تخلص من الصلاه وتقعد جنبي وان ماانتبهت انها هي الي تنظرني من اول وتقولي لو سمحتي قلت لها امري قالت بسالك سؤال بس احلفك بالله تقولين الصدق قلت ايوه امري قالت انتي ارجولك شايلتها لليزر(ماشاءالله)
وانا مااستوعبت وقلت وش وعادة سؤالها وضحكت وقلت لها لا والله انها حلاوه قالت احلفي وحلفت قالت وش ننوع حلاوتك وعاد نسيت اسمها وحاولت اتذكرها وماقدرت وحسيت ان الحرمه بدات تشكك بمصداقيتي ورحت وصفت لها شكل الحلاوه وبعدين تذكرت اسمها شهرزاد
وشوي تجيني حرمه طبعاانا مااعرف اقعد غير رجل فوق رجل وتقولي يابنيتي غطي رجولك وعاد اناادور من وين باينه لانها متغطيه وقلت مغطيتها قالت لا قالت ترى ارجولك افتنتنا والله انها قالتها عاد انا هنا استغربت قلت يعني اني عاديه ولاالبس قصير وشلون يدققون بالرجولي وقلت لابوي وطبعا ابوي كثير يخاف علي قالي البسي شراب ولا لاعاد تحطين ارجولك فوق بعض الناس عيونها ماترحم

المهم اقولكم على سري
اول سر من اسراري
انا اشيل ارجولي بحلاوه وبعدهااحط ماء ورد بالنشاء الين ماتنشف وبعدين اغسلهم وادهنهم بزيت زيتون وربي ماشاءالله ولاحول ولاقوة الابالله انه مافيني مسمات ولاشي ونعومه وبيضاء والحمدالله وطبعا هالطريقه متبعتها كمان لليديني
عكس اختي ويوم شافتني اسوي الحركه هذي قالت لاشي واقولها وتقولي يالنذله تشوفين فيني مسمات وكانها رجول رجال وماتقوليلي

وطريقه النشاء بعد الحلاوه هي انك تجيبي معلقه اومعلقتين نشاء حسب مايكفيك وشوي ماي ورد يعني مو كثير مره بس تخلصي شيل حلاوه وحطي على طول من الماي ورد والنشاء وخليه لماتنشف او ربع ساعه وغسليها وشوفي كيف النعومه وادعيلي بعدها

اجي اقولكم السر الثاني لبشرتي وماشاءالله دايم اي مكان والله سوء ناس اعرفهم او اول مره اقابلهم بحياتي يسالوني وش اسوي لبشرتي ودايم يقولولي بشرتك بيبي ماشاءالله

والسر اول شي انا ماارهق بشرتي بكثرة الخلطات استخدم لها الثلج ماء ورد والماسك اما نشاء وماء ورد واحطهم على النار او طحينه وكركم وانا كتبتها هنا
واحيانا احط طين على وجهي عشان يسكر المسمات ويسحب الدهون وعلى فكره مااستخدم صابون لوجهي ونادر اذااستخدمت لوجهي صابون

غير كذا والله لااله الا هو اني ماعمري ماشاءالله سويت تنظيف بالبخار لان بشرتي ماتحتاج ماشاءالله وقبل رحت لمشغل وقلت ابي اسوي تنظيف لبشرتي وقلت لي الكوفيره ماشاءالله مايحتاج بشرتك نظيفه وحرام اسوي لك وهو مايحتاج وهي سالتني قبل متى سويتي تنظيف لانه نظيف شفتو كيف ماشاءالله

والسر انه مااحب المكياج نهائيا وحتى بالزواجات اكتفي بااحمر شفايف وكحل وظل ومسكارا واحيانا مااحط ظل غير خفيف جدا وارجع على طول اغسله وامسحها بزيت اللوز وانام

طبعاانااعرف وش احتياجات بشرتي وعلى اساسهااسوي لهاالماسك الي يناسبها واعرف وش ممكن يهيج بشرتي وابتعدعنه
السر الثالث
وطبعا هناك شي مااستغني عنه وهو منقوع المره عندي بالعلبه اي وقت لاحظته فيها بدايت حبوب بسبب قرب الله يكرمكم الدوره على طول اخذ قطنه ابللها بمنقوع المره وامررها على بشرتي وخلاص انام والصباح اغسلها

السر الرابع
للمنطقه الحساسه الحمدالله ماعندي روائح والتهابات وانا تراني بنوتهبس استخدام لها منقوع مره وملح خشن والحمدالله مرتاحه عليه كثير

واما للجسم دايم ارطبهم واسوي مره بالاسبوع حمام مغربي

واما يديني مستحيل اقطع بصل او شي فيه ريحه الا وانا لابسه قلفز وغير كذاا اي وقت يدي تلامس الماي انشفها واحط كريمي الي نزلت عنه موضوع من كريم خيالي

هذي بعض الاشياء الي تحضرني بس اتذكر اي شي ثاني بقولكم عليه

وعلى فكره انا عمري 23 والله مافي وحده قد عطتني عمري وهو
اكثر عمر عطوني اياه كان 15 سنه ما شاء الله

يتبع ....