قصيدة رائعة تحكي واقع شبابنا الي يغازلون بالنت وكيف نظرتهم للبنت الي تكلمهم:
عزي في شماغ احمر وثوب ابيض وطاقيه
يا بنت أرجوك أنا مأقدر كفاني ماضي الغلطات
أخاف الله يعذبني وأنا خواف يابنيه
واخاف ابساعه الذه يجينا هادم الذات
ويأخذ من حشى جوفي بقايا روحي الحيه
أنا ليّه ثمان اسنين وأنا مدمن على الشهوات
ديار الفسق حاستها مواطي تحت رجليه
عيوني من كبر همي تخلط الدم والعبرات
مِسيل الدمع من عيني حفر بالخد ماريه
صحيح إنك جميله بس تبنا من هوى الزينات
تركنا الحب غصب وطوع للعين الشقاويه
يابنت أنتي على بالك أبأخذ من بنات الشات؟
أجل مجنون أنا يابنت أشيل العقل بيديّه؟
ترى أكبر شيء يربطني مِعك جوال ابو شاشات
وهاتف ينقل أشواقي على نبرات سلكيه
وترى كل العلوم الي عطيتك بالهوى كذبات
وحتى دمعتي يوم الفراق الصعب كذبيه
هذاك اليوم ماهلت عيوني لجلك الدمعات
لأن الدمع ماينثر بقصه حب وهميه
أنا أضحك مِعك واضحك منك ..عليك أكثّر الضحكات
كأني بالهوى جني.. يعبي راس جنيه
وأنا ماني بخكري يلبس القمصان.. والشرتات
ويفرح قلبه المسكين إذا حب الدوينّيه
أنا من لابةٍ أروت ضمايا سيوفها الغزوات
خلاياجسمنا عاشت على دم القبيليه
ودهنتي شعرك الاسود بألوانٍ من الصبغات
وعيت تقبل الصبغه ملامحك الخليجيه
وحشرتي ردفك المسكين بالبنطال ..والجنزات
خلاقينٍ تصنّعها مزاجات اليهوديه
عشاني ميتٍ في ثغرك الأحمر أبو لمعات
تحسبيني أبرضخ لك لأن إشفاك ورديه ؟
ورب الكون مأرضى فيك لو إنك شيخة الحلوات
وإذا صمل عليّ العلم أكب ارض السعوديه
يابنت الناس عزك في سوادٍ يستر العورات
وعزي في شماغ أحمر.. وثوب أبيض.. وطاقيه
سعودين نفخر في عبايات السعوديات
نغض الطرف إجلالً إذا شفنا السعودية
وخليجين نفخر في عبايات الخليجيات
نغض الطرف إجلالً إذا شفنا الخليجية
مماراق لي م/ن لعيونكم
منذ /12-09-2010, 07:05 PM
عزي في شماغ احمر وثوب وطاقيه ..
النمط الأحادي
