الحركه الثانيه
طبعا كثير منا يتعرض لضغوط وهم وحزن وتوتر باسباب الحياة واحيانا يسبب التوتر لنا عصبيه وفتور احيانا بعلاقة الي حولنا هالطريقهبصراحه لو تسونها روعه قليله وبتحسون انتم بالفرق بنفسكم
وطبعاانااسويها من فتره لفتره واذكر لما كنت بالثانويه العامه والله يابنات انه البنات يقولمعقوله يافتو انتي مثلنا بثالث ثانوي واضحك اقول ايوه ليش يقول نفسيتك حلوه ومانحسك مضغوطه
بقولكم طريقتين
اولطريقه
وهي اني اكون لوحدي بالغرفه واجيب شموع معطره وفواحاتكهربائيه من النوع الي اتحكم بحجم اضائتها واخليها على اقل درجه اضائه او فواحه اليبالشموع واحط روائح هادئه وكنت زمان احط موسيقى هاديه جدا ورومنسيه بس الحين اعتزلت الاغاني فصرت احط اصوات شلال ماي او عصافير او صوت امواج يعني اصوات تعطيك انطباع عن الطبيعه واغمض عيوني واتخيل نفسي بمكان حلو او اتخيل شي حلو ويريح نفسي وبعض الاحيان انام وانا مسترخيه واقوم نفسيتي شي ثاني وكل الهموم والتعب يزول لاني سويت له تفرغي للشحنات الداخليه الي فيني
الطريقه الثانيه وهذي كنت اسويها ايام الدراسه
وهي اني اقوم قبل الفجر وافرش فرشه برى في الحوش واتمدد واقعد اتامل في السماء واناظر الجو واستنشق الهواء بعمق لما ياذن اقوم اصلي وارجع لنفس المكان واسمع صوت الصلاه وبعدها صوت العصافير والله انه جو خيالي لايفوتكم وتشوفون كيف نفسيتكم تتحسن
وبعض الاحيان اسوي رياضه خفيفه
وعلى فكره هالطريقتين حلوه مره لللنفسيه وتعطي انتي نفسك شعور حلو وتفائل وتزيل عنك بعض الافكار السوده والحزن وهذا راح ينعكس على بشرتك واسلوبك وكل شي فيك ولكل راح يلاحظ وهذا من واقع تجربتي الشخصيه
وانا لما كنت ادرس كنت يوميا اسويها مااستغني عنها عشا ن تعرفون ضغط ثالث ثانوي والي يسويه
بس اهم شي استرخي مره تخيل انك في غابه وصوت شلال ونور القمر وفواكه وزهور حواليك
او تخيل نفسك طايره اواي شي تحبيه وراح تشوفون وبتقولو فتو قالتها
على فكره قبل فتره قريبه سمعت انه تقريبا نفس حركتي مع اختلف تمنح الجسم طاقه وتغذي الروح والعقل طبعا ماراح ادخل معاكم بعلم الطاقه وهاالحوسه بس حبيت اعطيك فكره انها تدخل في علم الطاقه هاالحركه يعني كنت اسويها وانا مااعرف انها لها علم غير قريب من شهر تقريبا