[BACKGROUND="100 #999999"]
صباح الخير ولا الخير ، يهدي لك صباحاته
صباح الورد يَ ورد العمر ، يَ نغمه اشراقي
صباحك فل وأحلى فل ، يَ طهره ونبضاته
صباحك هو بياض الروح ، صباح الروح يَ أوراقي
صباح الصدق لامنه كتبني في معاناته
وصدق الصبح لمتيه "ست سنين" بأحداقي
تخيلها "ست سنين" وحلمي في ملفاته
بدولاب العمر يشهق !! ، وانا اقول العمر باقي
ولا ليله نسيت الحلم ، تخيل جرحه لذاته
تخيل كم هزيمة 
عشت وانا للضحك تواقي
لقيتك يَ قدر عمري على رغم انكساراته
لقيته والعجب طاغي وَ وردك ينتظر ساقي
اسميها حكاية روووح ~ وحلم يخون يقظاته
اسميها حكايه صبح ، صباح الحب واغراقي
صباح العشق لامنّه نسى عمره ووقفاته
وراح يقلب الدولاب وملفه مابه اوراقي !!
