|
ان شاء الله في المساء سأضيف حلقة أخرى .. لالا عادي حنونتي .. عاااادي |
بارك الله فيك انا مادبي تكملي القصة انا فهمته اكياد انا الجزائر نفهمه هههههههههههههههههههه
|
السلام عليكم انا ايضا جزائرية :هيه: ,, وفي الحقيقة حبذا لو تكون بلهجتنا و اخرى بالفصحى اقصد مع بعضهم ,, للاخت التي لم تفهم ترجع الى العربية ’’’ بالاضافة كما قالت اختي فتاة الدعوة للتي تريد تعلم لهجتنا الخطيرة :شرير: ’’’ مجرد اقتراح فقط :هيه2: مع نثر حبي لكم استودعكم الله |
إنْ أردْتُم .. سَـ أُكملُ الحلقَـاتْ .. وسـأتَرجمُهـا بإذنِ الله
|
ارجوك كمليهن الحلقات بحكم الجزائر لغته قريبه منا
مفهومه بالنسبه لي خطرن علي ايام رائعه وجميله وشي مره سنحكيلكن اول ايام الجامعه |
وحبذا ترجمة المصطلحات الغير عربيه
|
راااااائعة جداً فكرتك !!
أشعر أن فيها تقريباً بيننا في المشرق وبين أخوتنا في المغرب.. أعجبتني اليوميات أيضاً،،، أشجعك وبشدة على المتابعة؛ وأشجع على كتابتها باللهجة الجزائرية مع إيضاح المعاني بالفصحى،،، والأجمل اشتراككما معاً أنتِ وغزة كما كان في الحلقة الأولى.. :كوكي: متابعة لكِ يا رائعة :قلب: |
شكرًا وباركَ اللهُ فيكُم ..
ولَتَشْجيعِكُم .. سـ أضَعُ حلقتينْ ^^ .. |
السلام عليكم ورحمة الله بعد ما فوتنا الأسبوع اللول و القرايا نص نص مزال مابديناش مليح les prof راهم غير يترينيو وانا عجبتني هكة الحالة نروح نجمع ونقرعج ونرجع خاصة بعد ما زدت تعرفت على زوج بنات لطيفة وفاطيمة كنت نعرفهم من يامات الليسي بصح ماكناش مداسرين بعضانا مليح حتى للجامعة لطيفة تظل تضحك وحاجة ماتسكتها وفاطيمة قافزة بزاااااف وفتيحة كيما قلتلكم تلعبها تعرف كلش غير باش يقولو عليها فاهمة بصح كامل بنات ملاح ويدخلو في القلب. جاء الأسبوع الثاني والقرايا بدات تتزير الشيوخا مدولنا le programme وبزاف لي بداو يقرونا بصح انا مازلت ضايعة مع الفرنسي نقعد coure كامل وانا نهز في راسي تقول عليا فاهمة كلش وانا لوكان يقلي برك عاوديلي شاقلت يحبس قلبي. اليوم خرجنا على 12 وحكمنا الجوع وقالك ياسيدي راكم مسجلين في المطعم الجامعي الريسطو تقدرو تاكلوا باااااطل http://www.4algeria.com/ib/images/smilies/like_1.gif عجبتني العفسة هذي تع باطل قلت للبنات ايا نروحو نشوفو كيفاش الحالة وكي لحقنا لتم قالك لازم تشرو تيكي بسعر رمزي باش تقدرو تفطرو اشرينا التيكيات مدام السعر رمزي ماخسرنا والو وفي الدخلة تع risto لقينا لاشان طويييييييلة قعدنا ساعتين واقفين ومن بعد لي كنت جيعانة شبعت وفي الأخير كي وصلنا لقيناهم دايرين حاجة تشبه للوبيا وشوية ورق تع سلاطة بلا la sos ولي سوفاتني وماخلاتنيش نبكي هي التمر لي حطولنا منو وقواولنا انا رفدت التمر وخرجت خاطر كانت الواحدة والكوغ يبدا على الواحدة رحنا نجرو ولقيناهم دخلو والشيخة هذيك حنونة بزاااااف طلينا عليها غير من الباب ضحكت وهزت راسها كلي قالتلنا ادخلو احنا فرحنا ودخلنا نجرو بصح غير دخلنا وشافونا كامل les étudiants قالتلنا برا شكون قالكم ادخلو جيتو روطار وانا غير ندخل مانقبل حتى واحد يدخل موراياhttp://www.4algeria.com/ib/images/smilies/shay.gif. خرجنا وقعدنا في بلاصة شابة فيها الحشيش والظل وحطينا التمر لي جبناه معانا وكلينا كلي ماصرا والوووو.http://www.4algeria.com/ib/images/sm..._whistling.gif خلاص هذا اليوم بصح حكايتي مع الريسطو ماخلاصتش رحنا في اليوم الثاني على 11 وكنا شاريين التيكيات وسمعنا بلي راهم دايرين الجاج محمر يسمى حاكمة قلنا رحمة ربي احنا البارح ماكلينا والو اليوم نخلفوها كي وصلنا لقينا جماهير عريضة تقولي حفلة رح يحييها تامر حسني تسللت شوية للوسط قلت هكة باش مانكونش الأخيرة بصح اكتشفت بلي لصقت وسط زوج بنات من نيجيريا وحدة قدامي والثانية مورايا وكل وحدة دايرة كي الحيط انقطع فيا التنفس http://www.4algeria.com/ib/images/smilies/crying.gif بغيت نرجع ونخرج مالقيتش كيفاش واخواتنا ناس نيجيريا مزال ماتعلموش هدرتنا قلتلهم مانيش قادرة نتنفس http://www.4algeria.com/ib/images/smilies/no_no.gif مافهمونيش قلت احسن حل نطلع راسي باش نتنفس مليح بديت نحوس على فاطيمة لقيتها رايحة من جيهة المعوقين وداية plat تع الجاجhttp://www.4algeria.com/ib/images/smilies/sneaky2.gif قلتلكم ساجية اما لطيفة كي لقاتها حامضة عليها سلت روحها وراحتhttp://www.4algeria.com/ib/images/smilies/surrender.gif مادارتش اصلا لاشان وفتيحة برك لي بقات معايا مسكينة تبغيني. بعد ما ازرقت واخضرت واحمرت وصلت اخيرا للتاقة لي يمدولنا منها الأكسجين اه قصدي الماكلة بصح اختكم كانت خالصة ومخلصة قلت الهربة تسلك حطيت plat وخرجت بين الموت والحياة لحقتني فتيحة على شعرة كنت رح نطيح ورجعتني للدار وانا طريق كاملة وانا نحلف بلي هذا آخر يوم نروح لحاجة اسمها الريسطوhttp://www.4algeria.com/ib/images/smilies/cursing.gif. اللهم صلي وسلم على سيدنا محمد |
السلام عليكم وصلت للدار ميتة بالعيا وقلبي يدور وراسي يوجع طحت في بلاصتي وماقدرتش نوض منها وحتى الظهر نضت بالسيف صليتو ماما مسكينة راحت بلخف وقبل ماتحوس تفهم غلاتلي نعناع وجابتولي والحمد لله غير شربتو ريحت ورقدت حتى للمغرب نوضني برك صوت التلفون فيكس يصوني كي رفدت لقيتها فتيحة تعيطلي باش تسقسي عليا ايلا بريت . قلتلكم تبغيني . وفي الليل درت سهرة طويلة مع العايلة حكيتلهم واش صرالي اليوم و bien sur ماقلتلهمش بلي فاطيمة قفزت وفاتت من جيهة المعوقين ودات فطورها بلا ماتدير لاشان خاطر على بالي بابا يديرلي محاضرة على لبنات الساجيات ولي يعرفو يعيشوhttp://www.4algeria.com/ib/images/smilies/cra_zy.gif. mais هو كي حكيتلو غضتو قالي هذي المرة نعطيك تاكلي برا فرحت بزاف وقعدت نستنى وقتاش يلحق الشهر الجديد باش تلحقني الزيادة في المصروفhttp://www.4algeria.com/ib/images/smilies/like_1.gif. بعد السهرة الطويلة ماقدرتش نوض بكري الصباح ولحقت للجامعة روطار قعدت برا ندور حتى خلاص الcoure اللول خرجوا لبنات فتيحة ولطيفة ماعدا فاطيمة طبعا هذيك تجي على ال 11 وتخرج على 3 وكي نقولولها تقلنا مانقدرش نوض بكري هذي هي القرايا في الجامعة انا بيناتنا ماكنتش نبغي نعطل الدروس ماشي خاطر قرَايا بصح نكره نتسلف cahier ونعاود نكتب في الدار. البروف تع الكيمياء مدلنا بحث عن الهيدروكربونات وكنا احنا اربعة فيه بانتلي حاجة صعيبة بزاااااف وماعرفتش كامل كيفاش نسلك من هذي الورطة ربي يجيب الخير برك. قررنا نروحو للمكتبة لأول مرة ونشوفو كيفاش تمشي الحالة كي دخلنا لقينا وحد تم تقدمت انا وسقسيتو ايلا يقدر يمدلنا كتاب تع الكيمياء العضوية قالي كيفاش يسموك وكي قلتلو لقى روحو يعرف خويا راح بلخف جابلي كتاب وجا وقالنا ادخلو للمكتبة الداخل واقراو فيه ومن بعد... وقبل مايكمل هدرتو رحنا احنا للمكتبة انا ديت الكتاب ورحت انا ولبنات لداخل المكتبة وبدينا نقلبو في الصفحات واحنا مانا فاهمين والو وفوتنا قريب ساعة واحنا نضحكو على روحنا http://www.4algeria.com/ib/images/smilies/lol.gif كي لحقت الوحدة رحنا باش ندخلو للكوغ درت الكتاب في الساك ورحت كي بديت خارجة قدام هذاك لي مدلي الكتاب شفتو بدا يخزر فيا ويتبع فيا بعينيه بديت نقول في قلبي هذا مالو مايحشمش http://www.4algeria.com/ib/images/smilies/sneaky2.gif كيفاش يخزر فيا هاكة هذي لي زعما يعرف خويا. ماديتهاش فيه وفت عليه بلا مانخزر ليهhttp://www.4algeria.com/ib/images/sm..._whistling.gif البروف تع الفيزياء ماجاش فرحت بزااااف خاطر كنت عيانة ومديقوتيا من روحي كي مافهمت والو في البحث. كي رحت للدار جبدت الكتاب وبديت نقرا فيه وحدي وجبدت هذاك dictionnair scientifiq وسييت نعاون بيه روحي وبالفعل والله فهمت بزاف دروس كنت حابسة فيهم ولقيت مقدمة وبعض المفاهيم للبحث تاعي وعيطت لفتيحة تزيد تحوس في الانترنت خاطر هي عندهم في الدار. وفي اليوم التالي جابتلنا فتيحة تقريبا البحث واجد بصح انا أصريت باش نحط المقدمة تاعي والمفاهيم لي لقيتها في الكتاب وكتبنا البحث وحطيناه في الموعد وانا استفدت بزاف من الكتاب bien sur بعد ماقعد عندي اسبوعين كاملين قلت نرجعو لمولاه يمكن يستحقو؟؟؟ وغير شافني قالي ارواحي هنا ارواحي عندي سمانتين وانا نحوس عليك http://www.4algeria.com/ib/images/sm...busted_red.gif وين كنتي انا بانتلي كلي راه حاب يداسر قلتلو: واش بيني وبينك حتى تحوس عليا قالي: ماكان والو غير الخير برك راكي داية كتاب تع الجامعة وناسياتو عندك وهذاك الكتاب المفروض كامل مايخرجش تقراي بيه داخل المكتبة وترجعيه قبل ماتخرجي خاطر كاين منو نسخة وحدة برك تماك فهمت وعلااه كان يخزر فيا هذاك اليومhttp://www.4algeria.com/ib/images/smilies/shay.gif وحتى للعام الثاني كي راح هو من المكتبة وجا واحد أخر باش عرفت بلي ممنوع يمدو الكتب بلا la carte وتماك وين عرفت صح بلي صاحب خويا وناس ملاح http://forum.mustafahosny.com/images...icon_smile.gif وصلى اللهم وسلم على سيدنا محمد |
| الساعة الآن +3: 01:31 AM. |
Powered by vBulletin® Version 3.8.5
Copyright ©2000 - 2024, Jelsoft Enterprises Ltd.
:: فتيات الإسلام ::