أسهل طريقة لتبييض الركب والأكواع (تجربتي)

[Timo]

السلام عليكم ورحمة الله وبركاته

أنا الله يسلمكم ذات ركب سوداء وأكواع أكثر سواداً ولله الحمد والمنة :يتكركر:

ورمضان قبل أللي فات خلصت ذاك الليمون الحساوي على ركبي وأكواعي
ومافي فايده تذكر أبد الآبدين
وكنت رايحة لمكة ورايحة الصيدليه >> والله من الرواقة
وخذيت إسكنول بالبابايا البرتقالي >> فيه منه أخضر


http://www.mytenda.com/tenda/images/eskinol_papaya.jpg






ولا أستفدت منه ماأحبه ع الوجه أحس ريحته تكتمني المراد .. رحت للسيد قوقل وكتبت إسكنوول البابايا وطلعت لي وصفة مدري وش يسمووونها للركب معها هالإسكنول وآخذه ابسررعه وأجربه افي عطلة الأضحى والله خلال شهر ركبي لاإله إلا الله بس باقي اسمرار قليل لاحظوا إسمرار وليس سووواد مثل قبل
وعاد أنا من طيبة قلبي الزايدة حبيت أفيدكم >> ماتحب عمرها أبد
خخخخخخ
المهم إليكم هذة الوصفة الرائعه ..

علبة إسكنول بابايا البرتقالي
وماي ورد
ونشاء
و
و
وبسسس

تخيلتوا بس هالثلاثة بيفكونكم من عقدة بعض السعوديات >> لاتعليق
هع هع

خوذي علبة الإسكنول وفرغي نصها بعلبة ثانيه وعبي النص الفاضي ماي ورد وحطي ملعقتين نشاء ..

وطبعاً أنا خذت المكونات الأساسية أما المقدار بكيفي لأنها من زمان
وأنا تركتها لأني شفت نتيجه وتكاسلت وماكملت من الذكاااء :عبيط:

وألحين خليته شي أساسي بعد السباحة :يتروش: بأني أحطه فوق قطنه وأفرك بنعومه مو تشيلون الجلد من الحماس فرك خفيف وبعدين أحط نقطه فوق الجلد وأمسحها برقه عشان تكون طبقه وأخليه ثواني تنشف وأحط فوقها فازلين العادي بس أنا حقي بفيتامين إي
والله مالي أسبوعين بادية فيها علماً بأن ركبتي أسودت بزود بعد مانحفت والله أنها فتحت شي بسيط بس واضح ماشاء الله أنا مرره فرحت وبغيت أفرحكم معي وأي إستفسار أنا حاظرره ووبالشوفه


ماأبي إلا دعوة صادقة من القلب :smileTif(79):
وتحفيز لأن هذا أول موضوع لي حتى ترحيب ماحطيت
أنتوا رحبوا فيني :كفك: خخخخخ

فمان الله
:سلام:

[حفيدة خديجة]

اولا حياك الله وبياك نيابة عن اخواتنا الكرام
وانا هذا اول رد لي بعد غيبة

بجرب الخلطة ركبتي مو مرة سودا بس ابغى البياض *_*

حفظك الله ورعاك ياغالية

[طموح داعية]

حياك الله بين أخواتك :smilie20101:

والله أضحكتيني أضحك الله سنك :يتكركر:

دمك شربات على قول أخونا المصريين :توته:

أكيد الأن أنت تمشين بخطوات كلها ثقة :يلعب:

طيب أنت ليه متنقبه:سلام: ليه ما تخلينا نشوف الركب و الأكواع

قبل استعمال الوصفة :ياهوه: وبعد ها:يتروش:...هههههه

شكرا لك على الوصفه

أختك
طموح داعية :smileTif(175):

:smilie2080:

[سُمُوّ~]

أهلا بالغاليه::timo
وحياك الله وبياك في ملتقانا الغالي على قلوبــ:قلب:ـــنا جميعا..

وكم نسعد كثيراً بانضمامك لأسرتنا..
*جزاك الله خيرا على الوصفة..
[يا زين خفة دمك]

دمتي في حفظ الباري؛؛

:قلب:

[Timo]

حفيدة خديجه : ياهلا بك أختي ..
أي والله وأنا أختك جربيها وأدعي لي

طموح داعية : ياهلا والله بالبنات .. أقربوا ..
مير الله يسلمك .. هذا من ذوقك وأنا أختك ..
أوما لو أوريك الركب والأكواع كان يغمى عليك من الخرعة :يتكركر:


طالبة المعالي : أرحربي ..
ويآك ياقلبو ..
عاد جربيها ولا مو متعقده مثلي ماشاء الله عليك خخخخ

يا حبني لكم ياهالبنيات تهبلون ..
حبيتكم مرره >> الله يعينكم
:كفك:

[خولة]

وعليكم السلام ورحمة الله وبركاته

ما شاء الله عليك ، طريقتك في عرض الموضوع ظريفة ..
صراحة أنا من النوع الي ما يتحمس للخلطات ، بس هذي شكلي تحمست وبستخدم العلبة الي بغرفتي :يقهر:


يسعد قلبك ، تستاهلي التقييم والتميز :قلب:

[Timo]

خولة :

الله مير يسلمك هذا من ذوقك وأنا أختك
جربيها وخبريننا بالنتايج ..
وأهم شي دعوتك لي ..

وووووه بس أول موضوع مميز :smilie20101:..>> بيوقف قلبها
هيه :هيه2:

[أم الفارسين]

الله يصلحك ليه تقولين الركب السود مشكلة السعوديات
تظلمينهم كذا فيه بنات ماشاء الله عليهن لونهن متجانس <الله يسترعلينا>
بس شوفي الله يسلمك..أمهاتنا وجداتنا بياض أقل شيء يمكن مخالف بسيط والله أعلم من التستر
حتى يدياتهن ناعمه وهم مايشلون الشعر هذا أولا ....
وبعدين الطبيعه لهادور,,,
وثانيا:الركب السود والله العالم أنها من السجود اللهم أجعلها شفيعه لنا يوم القيامه وبكيفها أهم شيء
الآخرة.أنا معاك نسعى للنظافه والزين بس مانذبح عمرنا ونهزء أنفسنا ليه مايصير فينا ثقه

هل توافقيني والاخوات؟

أشكرك أختي أرجو أن تتقبلين كلامي بصدررحب

[Timo]

أم الفارسين :
شوفي وأنا أختك تراي قلتها عن مزح فقط لاغير وأان اماراح أستهزأ بالسعوديات وأنا وحده منهم
وخالي ركبته أبيض من وجهي .. ماشاء الله>> أدري في ناس ركبهم أوب سود
وبالنسبه إنه من السجود لا وألف لااااااااااااا
لأن خالي الله يحفظه صلاه وعباده وماشفت ركبته اسودت وأنتي عارفه الرجال لامرهم لوشن ولا حتى فازلين

بنفسك قلتي أن فيه ناس طبيعتهم كذا ..
معليش أم الفارسين أنتي مافهمتيني ولو تشوفين مواضيعي بتفهميني .. أنا كذا أمززززح وأستهبل ..
وأكيد كلنا نحب النظافه والتزكرت ..
وبالنسبه للثقه أنا أكثر وحده أثق بنفسي .. لدرجه أن فيه ناس صغيرين عقل الله يهديهم قالوا عني مغروره ..
وأنا الحمد لله مامرني غرور أبد ..
والله يبعدني عنه
وأنا أسمحي لي ماأوافقك البتات البته :وبعدين:
وياهلا بك ونورتي الموضوع ..
وأنتي بعد تقبلي رايي بصدر رحب ..

[ميوم]

الحين في لبس بالموضوع !

وحطي ملعقه ثنتين نشاء ..

احط ملعقة والا ثنتين ! :فكر:


:smilie2087:| ميـوم~

[يَاسْمٍيْنُ »≈]

السلام عليكم ورحمة الله وبركاته ,
يجزاك خير يا قلبي ماتقصري

ر=

[Timo]

ميوم :
ياربيه ماأحد يطيح على غلطاتي إلا أنتي ..
خخخخ
ماشاء الله عليك
لا ياحبي ملعقتين بس العتب ع النظر
:يتكركر:

ياسمين :
وعليكم السلام ورحمة الله وبركاته
ويآآآك ياقلبي
وياهلا نورتي الموضوع

[¦¦» كَنْزُ الدَّعْوَةِ •●]

’‘ السلـام عليكم ورحمة الله وبركاته‘’
أبدعتي غاليتي
جزاك الله خيرا وجعلك من أهل الجنان ~
’ حفظك ربي , وجعلكِ ممـن تفخر بهـا أمة محمـد ’ ..
.. ’ تواقة لجديدكِ دومـا ’ ..
’‘ في حفظ الله ورعايته ’’

[Timo]

الواثقه بالله :
وعليكم السلام ورحمة الله وبركاته
جزاك الله خير
وياهلا
>>كأن الرد مكرر :)